Ritual Teatr və Yaradıcılıq Laboratoriyası 15 iyun tarixində Füzuli rayonunun Daşbulaq kəndində Zəfəran İcmasının qadın üzvləri və icma rəhbəri Şəhla Əliyeva ilə görüş keçirmişdir. Görüşdə qadın liderliyi və incəsənətin liderlik bacarıqlarına təsiri mövzusunda müzakirə aparılmış, daha sonra teatrın quruluşçu rəssamı Leyla Quliyevanın "Xalçaların dili" mövzusunda ustad dərsi baş tutmuşdur. Görüşün sonunda iştirakçılar yazar Almaz Həsənzadə və rejissor Aynur Zərrintacın hazırladığı "Qarabağ Hekayələri" adlı sənədli rəqs tamaşaya baxmışlar. Pyesin hekayələri Zivər Əlizadənin təşkil etdiyi müsahibələr əsasında aparılıb. Rolları teatrın aktyor heyətindən Ellada Xalıqova və Fidan Piriyeva ifa edirdilər. İsveç Əməkdaşlıq Fondu tərəfindən maliyyələşdirilən “Ümid Hekayələri: Qadınların Liderliyi və İncəsənət vasitəsilə İcma Quruculuğu” layihəsi çərçivəsində baş tutan bu görüşün əsas məqsədi Qarabağ zonasında yaşayan qadınların icmalaşmasına dəstək verməkdir. Pyesin müəllifi: Almaz Həsənzadə Rejissor: Aynur Zərrintac Tədqiqat və müsahibələr: Zivər Əlizadə Aktrisalar: Ellada Xalıqova və Fidan Piriyeva Səhnə quruluşu: Leyla Quliyeva Vizual video həll: Fuad Məmmədov
Ünvan:
Bakı şəhəri. Qoqol küçəsi 44Telefon:
+994555146989
"İnklüziv robot ayı" ilə teatrda tanışlıq görüşü keçirildi.
Təlimlər zamanı bullinq, nifrət nitqi, kiber zorakılıq haqqında məlumatlar verilmiş və iştirakçılarla müxtəlif fəaliyyətlər həyata keçirilib müzakirələr aparılmışdır.
Bu vorkşopda siz özünüzü, öz mənfi və müsbət cəhətlərinizi təhlil etməklə obrazın yaradılması, özünü daha yaxşı tanıyaraq və bədən-hərəkət texnikalarından istifadə edərək obrazın yaradılmasını öyrənəcəksiniz.
Ritual Art Space-də Səs Aktyorluğu və Motion Capture üzrə Vörkşop Keçirildi.
"Ritual Mobil Teatr Laboratoriyası" ın təşkilatçılığı ilə Nadejda Potayenko tərəfindən Tısbağa Conatana həsr olunmuş ilk ustad dərsi (masterklas) keçirildi.
